تولدون موبارک اولسون خانیم!
تقدیم اولوب رئیسه ی محترمه یه!
فیشقا -چپیک دیر چالیریق چال ها چال
فیشفیشا لار یاندیریریق دال با دال
قابلامانی ائتمیشم الده قووال
شن لیغی میز سن دن اوتوردور جانیم!
تولّدون موبارک اولسون خانیم!
*
گؤر نئجه من ازدیریره‌م دلداری
فیشقیدیرام باشینا «شادلیق قاری«
فاطمه تزئین ائلی ییب دیواری
یوخدو حئییف بوردا ایگیت اصلانیم!
تولّدون موبارک اولسون خانیم!
*
شادلیق اولوب مجلسی میزده قوناق
گؤرمه لی دیر منده بوگون دیل-داماق
دوزدو که اؤرگه شمه میشم اویناماق-
ایسته‌سن آزجا آرادا فیرلانیم!
تولّدون موبارک اولسون خانیم!
*
باخما سنه بیرجه قیزیل آلمادیم
یا کبین این اوستونه ائو سالمادیم
من کادودان آمما دالی قالمادیم
آیری فیکیر ائیله میشم ترلانیم
تولّدون موبارک اولسون خانیم!
*
بیر بو گئجه من یویارام قابلاری
سورته‌ره‌م ایسکاجی له بشقابلاری
یا توکه‌ره‌م تشت ایچینه فابلاری
قوی سنین عشقینده بیرآز ایسلانیم!!
تولّدون موبارک اولسون خانیم!
ایضاح : اورمو دنیزی نین دوزو بو وبلاگ دان تامین اولونور!