منیم بیر قینانام وار عین چرچیل!

ایشینده واه قالیبدی جمله فامیل

فک و فامیل هله قالسین،کی اولماز

بوتون قور-قونشودان بیر لحظه غافیل

قیزینا چپ باخام بیر دفعه گؤرره م

باشیما بیر بلا تک اولدی نازیل

قوناق گلسه قالار دؤرد آی سراسر

اونا مهمانسرادیر بنده منزیل

هواپیمایلا گونده ردیم شومالا

علیهم اَرسَلَ طیراً ابابیل!

سوسول ورزشلریله یوخ آراسی

به جای آیروبیک صوبح اوینادار میل!

چوخ آز دیللر بیلیردی ایندی صوبلر

گئدیب کانون زباندا اورگه نیر دیل!

دئییر مرجان خالایا :مارگاریتا

بلال قارداشینا ایندی دئییر:بیل!

دئییر:روز زنه قولباق-اوزوک یوخ!

ایه ر آلساز آلین سرویس کامیل!

ایه ر ایندی یوخوندور پول الینده

بیر آغ چک ایمضالا در وجه حامیل!

*

اوزاتما صحبتی شاعیر! یازیقسان

ائشیت من دن بو بحثی ائیله تعطیل

ائشیتسه قینانان بو چرت و پرتی

سنی ائیله ر مفاعیلن مفاعیل!!