كلم شعري!
 
بايرام گونونده گلدي بيزيم ائمميزه كلم
تا تورشويا دؤنه، قوناق اولدي بيزه كلم


تاج سر اولدي ترخونا، نعنايه، ريحانا
شاه اولدي جعفري، كره‌ويز، گشنيزه كلم


آرواد اتاقي ائيله دي بوستانليقا شبيه
بير قالدي بؤرك تك آسا رخت آويزه كلم!


صونرا پيچاق الينده داراشدي كلم لره
وغراندي، هي قالاندي يئتيشدي ديزه كلم!


آرواد يئتيردي فوري خبر اقربالره
: مادر، خديجه، عذرا باجي، فائيزه؛ كلم!


سيزدن بيزه گليب گئچن آي چوخ كلم پايي
ايندي قويون كي پاي گله بيزدن سيزه كلم


دولدي اييي اتاقه كليدده شدي انگي ميز
كاش سالماسين بو دردي سيزين انگيزه كلم


آرواد دئدي: شبئه بزه مه، خوش دا عطري وار
طعنه ووروب اينان كِرِم ساويزه كلم!


قاچديم، داليمجا گلدي كلم عطري، تا مني –
چكدي آپاردي اورميه دن تبريزه كلم!


اوچ گون گولابي اووجا تؤكوب بورناچكميشم
گؤر نه سيريخ چكيبدي من عاجيزه كلم!