من نن اوقده ر آی باشی  پول چیخدی رئیسیم

یئخسین ائوین آللاه ، ائویمی یئخدی رئیسیم

پرونده مه توبیخ قالادی حق سیز- حساب سیز

دائم یاپیشیب خیرخیرامی سیخدی رئیسیم

پاداشی خال اوغلانلارا یازدی بیزه آمما-

نوبت یئتیشنده ائله  ویرنیخدی رئیسیم

دللک لیغه شایسته اولوب، تاپدی تخصص 

ارباب رجونی چون بیر عومور  قیخدی رئیسیم

رشوه آلاراق فوری چوبان دویمه یی توتدی

یاخدی چوره گه چای پولونی، تیخدی رئیسیم

گلدی که ایکی ائششگین آرپاسینی بولسون

بیر پای دا نهایت اؤزونه چیخـــــدی رئیسیم!!