نصیحت
من اؤیله بیلیردیم که منه یار اولاجاقسان
عالمده منه یــــــــــــار وفادار اولاجاقسان...
سید عظیم شیروانی
هی سؤیله دیم ائولنمه اوغول! زار اولاجاقسان
آرواد آلــــــــــــاراق زار و گرفتـــــــــار اولاجاقسان
بولبول کیمی هر گول اوزوین گولدو وورولمـــــا
بیر گون گول آیاغیندا دوشوب خوار اولاجاقسان
آرواد چیغیـــــــرانــــــــــدا قولاغین زه چالاجاقدیر
پرده ن گئده جکــــــدیر ایشینه، کار اولاجاقسان
زرگرخانــــــــــــــــــــــادا بیر قیزیلا سالسـا محبت
بیـــــــــر"چشم" دئییب فوری خریدار اولاجاقسان
سنّین که بیر آز گئچـــــــــــــــدی گلر تازه لقب لر
آرواد نظرینده قوجـــــــــــــــــــا کافتار اولاجاقسان
آنجاقدی کــــــــه آرواده وئره ن خشلیق آزالسین
حاتم ایه اولسان حـــــــــاجی جبّار اولاجاقسان...!
ایضاح : اورمو دنیزی نین دوزو بو وبلاگ دان تامین اولونور!